डोळ्याचा कोरडेपणा कसा दूर करावा व त्याचे उपाय

1. पुरेशी झोप आणि विश्रांती:

डोळ्यांना ताण कमी करण्यासाठी पुरेशी झोप आवश्यक आहे. कमी झोप घेतल्याने डोळ्यात कोरडेपणा येतो आणि ताण वाढतो. तसंच, दिवसभरातही डोळ्यांना विश्रांती दिली पाहिजे, विशेषतः ज्यांना स्क्रीनवर काम करावं लागतं त्यांच्यासाठी.

2. स्क्रीनचा वापर कमी करावा:

मोबाईल, लॅपटॉप किंवा टीव्ही यांसारख्या स्क्रीनवर जास्त वेळ काम करणं डोळ्यांसाठी हानिकारक ठरतं. स्क्रीन वापरताना पापणीची उघडझाप कमी होते, ज्यामुळे ऑइलचा लेयर तयार होत नाही. यामुळे डोळ्यांतील पाण्याचा लेयर लवकर वाळतो. 20-20-20 नियम म्हणून ओळखला जाणारा उपाय यासाठी फायदेशीर ठरतो. दर 20 मिनिटांनी 20 सेकंदासाठी स्क्रीनपासून दूर बघावं आणि साधारण 20 फूट अंतरावर असलेल्या गोष्टीकडे पाहावं, यामुळे डोळ्यांना आराम मिळतो.

3. आहारात बदल:

आहारात फिशचा समावेश करावा, ज्यामध्ये ओमेगा-3 तेल असतं. हे तेल डोळ्यांच्या ऑइलच्या लेयरला मजबूत करतं. शाकाहारी लोकांनी अखरोट, बदाम यांसारखे ड्रायफ्रूट्स खावेत, ज्यामुळे ओमेगा-3 मिळतं.

4. पाणी पुरेसं प्यावं:

डिहायड्रेशनमुळेही डोळ्यांमध्ये कोरडेपणा येतो. त्यामुळे पुरेसं पाणी प्यायला हवं. शिवाय हिरव्या भाज्यांचा आहारात समावेश करावा, ज्यामुळे शरीराला आणि डोळ्यांना आवश्यक पोषण मिळतं.

5. वॉर्म कंप्रेसेस:

घरी साधा आणि प्रभावी उपाय म्हणजे वॉर्म कंप्रेसेस. गरम पाण्यात टॉवेल भिजवून डोळ्यांवर ठेवावं. पाच मिनिटं शेक दिल्यावर पापण्यांना हलकासा मसाज करावा. यामुळे मिबन ग्लँड्समधलं ऑइल रिलीज होतं आणि डोळ्यांचा कोरडेपणा कमी होतो.

6. आयपीएल थेरपी:

डोळ्यांचा कोरडेपणा कमी करण्यासाठी आजकाल आयपीएल थेरपीही उपलब्ध आहे. या थेरपीमध्ये ब्लॉक झालेल्या ग्रंथींना लाईटच्या शेकाने उघडलं जातं. हे विशेषतः ज्या व्यक्तींना दीर्घकाळ डोळ्यांचा कोरडेपणा आहे त्यांच्यासाठी फायदेशीर ठरतं.

डोळ्यांचा कोरडेपणा हा तात्पुरता त्रास नसून तो दुर्लक्ष केला तर दीर्घकालीन समस्या होऊ शकते. योग्य उपचार, आहारातील बदल, आणि काही सोपे घरगुती उपाय करून या समस्येवर मात करता येते. जर तुम्हाला डोळ्यांच्या कोरडेपणाचा त्रास होत असेल तर, त्वरित योग्य उपाय करणं अत्यंत गरजेचं आहे. तुमच्या डोळ्यांच्या संरक्षणासाठी तज्ञांचा सल्ला घ्या. नंदादीप नेत्रालय हे डोळ्यांच्या समस्यांसाठी एक विश्वासार्ह आणि अनुभवी नेत्रतज्ञ केंद्र आहे. येथे तुम्हाला तज्ञ डॉक्टर्सकडून उच्च दर्जाची सेवा आणि सल्ला मिळतो. डोळ्यांच्या कोणत्याही त्रासासाठी, अगदी कोरडेपणा, मायोपिया किंवा इतर कोणत्याही डोळ्यांच्या आजारासाठी नंदादीप नेत्रालयाशी आजच संपर्क साधा आणि तुमच्या डोळ्यांची योग्य काळजी घ्या.