बेळगाव टिळकवाडी येथील डॉ. पटवर्धन नंदादीप आय हॉस्पिटलतर्फे डॉक्टर्स डेचे औचित्य साधून डिव्हाईन प्रॉव्हिडन्स कॉन्व्हेंट स्कूलमध्ये निबंध स्पर्धेचे आयोजन करण्यात आले होते. ८ वी ते १० वीतील १५० हून अधिक विद्यार्थ्यांनी या स्पर्धेत भाग घेतला होता.
यां स्पर्धेत प्रथम अभिज्ञा शेट्टी, द्वितीय गौरवी एम. के., तृतीय वैशाखी वडीण्णवर यांनी क्रमांक पटकाविले. वरिष्ठ नेत्रतज्ज्ञ डॉ. ज्योत्स्ना पाटील व डॉ. सज्जन सांगाई यांनी शाळेला भेट देऊन विद्यार्थ्यांशी संवाद साधला व विजेत्यांना बक्षीस वितरण केले.
शाळेच्या मुख्याध्यापिका रोजम्मा मॅथ्यू उपस्थित होत्या. सर्व सहभागी विद्यार्थ्यांना मोफत नेत्र तपासणीचे कुपन देण्यात आले.