कोल्हापूर : गोव्यातील दीड वर्षीय बालिकेच्या डोळ्याला फंगस इन्फेक्शन झाले. त्यातून तिचे बुबुळ पांढरे पडल्याने दृष्टीस थोका निर्माण झाला होता. त्यामुळे तिच्यावर बुबुळ प्रत्यारोपण हा एकमेव पर्याय होता या बालिकेला नंदादीप आप हॉस्पिटलमध्ये दाखल केले होते. तेथे तिच्यावर सोमवारी बुबुळ प्रत्यारोपण शस्त्रक्रिया करण्यात आली. ती यशस्वी झाल्याने तिला पुन्हा दृष्टी मिळाली आहे.
गोव्यातील दीड वर्षीय बालिकेला महिनाभरापूर्वी फंगस इन्फेक्शन झाले, डोळ्याला झालेल्या या संसर्गामुळे तिचे बुबुळ पांढरे पडले. परिणामी तिची एका डोळ्याची नजर गेली होती. पालकांनी बऱ्याच ठिकाणी डोळ्यांवर उपचार केले. अखेरीस पंधरा दिवसांपूर्वी या बालिकेला घेऊन वडील कोल्हापुरातील नंदादीप आय हॉस्पिटलमध्ये आले. तिला एका डोळ्यांनी काहीच दिसत नव्हते. तिच्या डोळ्यांची सखोल तपासणी करता काही दिवसांपूर्वी तिच्या डोळ्यांना फंगस इन्फेक्शन झाल्याचे निदान समोर आले. त्यातून तिचा संपूर्ण डोळा, बुबुळ पांढरे पडल्याने निकामी झाल्याचे स्पष्ट झाले. डॉक्टरांनी उपचाराबाबत पालकांना माहिती दिल्यानंतरही पालक आशावादी राहिले.
नंदादीप हॉस्पिटलमधील बुबुळतज्ज्ञ डॉ. प्रसन्न आराध्ये यांनी बुबुळ प्रत्यारोपण शस्त्रक्रियेबाबत माहिती दिल्यानंतर पालकांनी बालिकेचे पांढरे परवानगी दिली. यावेळी पडलेले बुब्बुळ शोध घेत असताना दान केलेले बुबुळ उपलब्ध झाले. सोमवारी तिच्यावर बुबुळ प्रत्यारोपण शस्त्रक्रिया डॉ. आराध्ये यांनी केली. त्यासाठी त्यांना भूलतज्ज्ञ डॉ. शशिकांत सांगावकर यांच्यासह स्टाफचे सहकार्य लाभले. कोल्हापुरात दीड वर्षाच्या बालिकेवर प्रथमच बुबुळ प्रत्यारोपण शस्त्रक्रिया यशस्वी झाली आहे