बेळगाव : परिषदेत मार्गदर्शन करताना डॉक्टर. प्रतिनिधी बेळगाव

सांगलीचे सुप्रसिद्ध डॉ. पटवर्धन यांचे नंदादीप नेत्रालय यांच्यावतीने देश-विदेशातील नेत्रतज्ज्ञांना आधुनिक तंत्रज्ञान आणि नवनवीन शस्त्रक्रियांच्या कौशल्याची ओळख करून देण्यासाठी डॉ. सौरभ पटवर्धन यांनी दोन दिवसीय नेत्र परिषदेचे आयोजन केले होते. या परिषदेमध्ये देशभरातून दीडशेहून अधिक नेत्रतज्ज्ञांनी सहभाग घेतला होता. जगातील पंधरा देशांमधील नेत्रतज्ज्ञ परिषदेत सहभागी झाले होते.
‘या परिषदेमध्ये नेत्रतज्ज्ञांसाठी अत्याधुनिक थ्री-डी शस्त्रक्रिया आणि डोळ्यांच्या गुंतागुंतीच्या शस्त्रक्रियांमध्ये वापरले जाणारे आधुनिक तंत्रज्ञान याविषयीची प्रात्यक्षिके दाखविण्यात आली. डॉ. सौरभ पटवर्धन, डॉ. निधी पटवर्धन, डॉ. दीपक नेगूर, डॉ. भारती नेगूर यांनी या परिषदेत मार्गदर्शन केले. ब्राझील येथील नेत्रतज्ज्ञ डॉ. नेटो रोसाटेली व डॉ. लुकन मिशेव यांनी ऑनलाईन मार्गदर्शन केले. या कार्यशाळेवेळी डॉ. दिलीप पटवर्धन, डॉ. माधवी पटवर्धन, डॉ. प्रसन्न आराध्ये, डॉ. उमेश आमरोळे यासह इतरांनी मार्गदर्शन केले.