Latest News

आपल्या आयुष्यातील अनेक सुंदर क्षण आपण आपल्या आई-वडिलांसोबत, आजी-आजोबांसोबत अनुभवले आहेत. त्यांनी आपल्याला चालायला, शिकायला आणि जगाकडे सकारात्मक नजरेने पाहायला शिकवले. आता वयोमानानुसार त्यांच्या डोळ्यांची काळजी घेणे ही आपली जबाबदारी आहे. याच उद्देशाने डॉ. पटवर्धन यांचे नंदादीप नेत्रालय ६० वर्षांवरील ज्येष्ठ नागरिकांसाठी विशेष मोफत नेत्रतपासणी अभियान राबवत आहे.

वय वाढल्यानंतर डोळ्यांमध्ये नैसर्गिक बदल होऊ लागतात. सुरुवातीला वाचन करताना त्रास होणे, रात्री अस्पष्ट दिसणे, प्रकाशाची झळ जाणवणे किंवा दूरचे कमी स्पष्ट दिसणे अशा समस्या जाणवू शकतात. अनेक ज्येष्ठ नागरिक या तक्रारींना “वयामुळेच होत आहे” असे समजून दुर्लक्ष करतात. परंतु अशा लक्षणांमागे मोतीबिंदू, काचबिंदू (Glaucoma), रेटिनाचे आजार, मधुमेहामुळे होणारे डोळ्यांचे विकार, वयोमानानुसार होणारे मॅक्युलर डिजेनेरेशन (AMD) यांसारखे गंभीर आजार असू शकतात. यापैकी अनेक आजार सुरुवातीच्या अवस्थेत कोणतीही ठळक लक्षणे दाखवत नाहीत. त्यामुळे नियमित नेत्रतपासणी ही दृष्टी जपण्याची सर्वात प्रभावी पायरी आहे.

आजच्या आधुनिक नेत्रविज्ञानामुळे डोळ्यांच्या अनेक आजारांवर अत्यंत सुरक्षित आणि प्रभावी उपचार उपलब्ध आहेत. योग्य वेळी तपासणी झाल्यास अनेक आजार सुरुवातीलाच ओळखता येतात आणि वेळेवर उपचार सुरू करून दृष्टी कायमस्वरूपी कमी होण्याचा धोका टाळता येतो. विशेषतः ६० वर्षांनंतर वर्षातून किमान एकदा डोळ्यांची तपासणी करून घेणे अत्यंत आवश्यक आहे.

या जनजागृती अभियानांतर्गत १ जुलै ते ३१ ऑगस्ट २०२६ या कालावधीत ६० वर्षांवरील ज्येष्ठ नागरिकांसाठी मोफत नेत्रतपासणी उपलब्ध आहे. याशिवाय आवश्यक डायग्नॉस्टिक तपासण्यांवर २०% सूट, मोतीबिंदू शस्त्रक्रियेवर ५% सूट, चष्म्यावर १०% सूट तसेच Robotic / AI Assisted मोतीबिंदू शस्त्रक्रियेवर ₹१०,००० पर्यंत विशेष सूट उपलब्ध करून देण्यात आली आहे, जेणेकरून अधिकाधिक ज्येष्ठ नागरिकांना आधुनिक नेत्रसेवेचा लाभ घेता येईल.

डॉ. पटवर्धन यांचे नंदादीप नेत्रालय गेल्या १९८० पासून अत्याधुनिक तंत्रज्ञान, अनुभवी नेत्रतज्ज्ञांची टीम आणि रुग्णकेंद्रित सेवेद्वारे गुणवत्तापूर्ण नेत्रसेवा देत आहे. मोतीबिंदू, काचबिंदू, रेटिना, कॉर्निया, ऑक्युलोप्लास्टी, स्क्विंट, लॅसिक आणि इतर सर्व नेत्रविकारांवर जागतिक दर्जाचे उपचार महाराष्ट्र आणि कर्नाटकातील विविध शाखांमधून उपलब्ध आहेत. लाखो रुग्णांचा विश्वास संपादन करत नंदादीप नेत्रालय आजही आधुनिक नेत्रसेवेचे एक विश्वासार्ह केंद्र म्हणून कार्यरत आहे.

आपल्या घरातील ज्येष्ठांचे डोळे निरोगी राहणे म्हणजे त्यांचे स्वावलंबन, आत्मविश्वास आणि जीवनमान टिकून राहणे होय. त्यामुळे त्यांना “नंतर जाऊ” असे न सांगता आजच नेत्रतपासणीसाठी प्रोत्साहित करा. वेळेवर घेतलेली काळजी त्यांची दृष्टी सुरक्षित ठेवण्यास आणि त्यांचे आयुष्य अधिक आनंदी व प्रकाशमय करण्यास निश्चितच मदत करेल.

अधिक माहितीसाठी व अपॉइंटमेंटसाठी संपर्क: ९२ २००० १०००